JOIN FOR DONATION
Quis autem velum iure reprehe nderit. Lorem ipsum dolor sit nulla or narjusto laoreet onse ctetur adipisci.
Close
LOGIN FOR DONATION
Quis autem velum iure reprehe nderit. Lorem ipsum dolor sit nulla or narjusto laoreet onse ctetur adipisci.
Nouvelles de nos activités
Vélo-école | Témoignage de Boutheina
قداش نفرحوا كي نراو المشاركين في دورات تعليم سياقة الدراجات #Vélo_école يحققوا أهدافهم.
:بثينة وحدة منهم
حكايتي مع فيلوريسيون بدات عامين لتالي تقريبا، بدات بحلمة اني نتعلم نسوق بسكلات… شريت بسكلات باش نتعلم في الحومة سقت شوية وطحت وركبتي تجرحت روحت وماعادش درت بالبسكلات… بعدها نحكي مع صديقة قتلي راهو فما جمعية تعلم، تواصلت مع فيلوريسيون وفيسع فيسع لقيت روحي في اول حصة نتعلم … تلهاو بيا ووسعوا بالهم معايا ع الاخر خاصة بش نتعلم نحافظ ع توازني وما نبقاش نتمايل يمنة ويسرة
حصيلو الفرحة اني من اول حصة نجمت نسوق وحدي، دورت البيدالات اول مرة في حياتي، مشيت وجيت بالبسكلات…فرحة ماشية وتكبر من حصة لحصة لين وفوا حصص في رمشة عين وفقت من المنامة… بعدها نصحني صديق قلي اخرج معاهم سيكلو توريزم، اكتشفت شمعناه تسوق بسكلات… انك تتعلم حاجة وانك تمارس و تخرج وتحوس بالبسكلات حاجة اخرى…
اول خرجة سيكلو توريزم مع فيلورسيون كانت للبحيرة، خرجت معاهم برصيد 8 سوايع بسكلات فقط 😬😬 وبطبيعة تنجمو تتخيلو قداه مرجتهم وعملت فاهم… أماهوما شجعوني
اما ع روحي عشت اقوى فيلم رعب، انا ما نخافش اما نهارتها مت بالرعب، عمري ما سقت بسكلات ونلقى روحي مع الكراهب و المترجلين و صعادي وهباطي… كل صعدة نحس روحي نبيدالي بالسيف و كل هبطة نحس البسكلات تجري بي، نذكر منحدر في المسلك متع الدراجات في اللاك زيرو وانا هابطة حاسة روحي ماشية للماء وننزل ونعاود ع الفرامل … كيف وصلت ما صدقتش الي انا مانيش في البحيرة نعوم
عاودت شاركت في دورة جديدة للتعليم بش نحسن قيادتي للدراجة، وفعلا عملت 6 حصص تعلمت فاهم برشاااا حاجات خاصة الفيراجات
تعلمت وعاودت خرجة اللاك وتبينت الفرق بين انك تبسكل وانت ماكلك الخوف و انك تبسكل وانت متفرهد وعامل كيف ومستمتع… شتانى بين هذا وذاك
😍😍وبطبيعة المدربين لاحظوا اني تحسنت برشا وهكا عاودت خرجت معاهم مرة أخرى واكتشفت المدينة العربي بالبسكلات وكانت تجربة حلوة برشا و ممتعة…
😍😍خلاصة القول : كل يوم غرامي بالبسكلات يزيد
😍😍الحمد لله الي فما فيلورسيون الي علموني نبسكل ونكتشف متعة التبسكيل… شكرا للجميع
😍نحنا زادة نشكروك و نتمناولك برشا حاجات مزيانين
و انتوما كان تحبوا. تعرفوا اكثر على مدرسة تعليم الدراجات، زوروا صفحتنا
و اذا تحبوا تتعلموا و تسجلوا معانا، عمروا الاستمارة و نحنا نكلمكم في أقرب وقت